महाराष्ट्र न्यूज वन प्रतिनिधी, कोल्हापूर : वारणानगर  येथील तात्यासाहेब कोरे इन्स्टिट्यूट ऑफ इंजीनियरिंग अँड टेक्नॉलॉजी (ऑटोनोमस) अभियांत्रिकी महाविद्यालयाने  शिवाजी विद्यापीठ आंतरविभागीय महिला बास्केटबाँल स्पर्धत विजेतेपद पटकाविले.  अंतिम सामन्यात विवेकानंद कॉलेज, कोल्हापूरचा पराभव करीत विजेतेपद मिळविले. संघामध्ये पुर्वा भोसले, मनस्वी मोरे, निर्झरा पाटील जाधव, श्रावणी भोसले, अनन्या संदे, देवयानी पाटील, वृषाली निकम, आर्या पाटील, प्रेरणा पाटील, सलोनी पाटील, भक्ती पाटील, साक्षी पाटील या खेळाडूंचा समावेश होता. बापूजी साळुंखे महाविद्यालय, मिरज येथे स्पर्धा झाली. खेळाडूंना प्राचार्य, अधिष्ठाता, प्राध्यापक व कर्मचारी यांचे सहकार्य लाभले. क्रीडा प्रशिक्षक उदय पाटील व  प्रितेश पाटील यांचे मार्गदर्शन  लाभले. यशाबद्दल वारणा शिक्षण समूहाचे अध्यक्ष विनय कोरे, श्री वारणा विभाग शिक्षण मंडळाचे मुख्य कार्यकारी अधिकारी डॉ. व्ही. व्ही. कारजिनी यांनी शुभेच्छा दिल्या.