महाराष्ट्र न्यूज वन प्रतिनिधी, कोल्हापूर  : ‘सहकार व दुग्ध व्यवसाय क्षेत्रात गोकुळ सारख्या संस्थेचे योगदान अत्यंत मोलाचे आहे. ते अधिक मजबूत करण्यासाठी केंद्र सरकारच्या सहकार मंत्रालयमार्फत आवश्यक ते सहकार्य गोकुळला केले जाईल,’ अशी ग्वाही केंद्रीय सहकार व नागरी विमान वाहतूक राज्यमंत्री मुरलीधर मोहोळ यांनी दिली.

 शिवछत्रपती क्रीडानगरी बालेवाडी पुणे येथे स्वर्गीय शंकरराव उर्फ बुवा साळवी चषक पुणे लिग कबड्डी स्पर्धेच्या उद्घाटनप्रसंगी मंत्री मोहोळ बोलत होते. यावेळी गोकुळच्या चेअरमनपदी निवड झालेबद्द्ल नाविद मुश्रीफ यांचा मंत्री मोहोळ यांच्या हस्ते त्यांचा सत्कार करण्यात आला. चेअरमन नविद मुश्रीफ म्हणाले, गोकुळ हा महाराष्ट्राचा ब्रँड असून खेळाडू, महिला व युवकांसाठी दर्जेदार दूध आणि दुग्धजन्य उत्पादने उपलब्ध करून देण्याचे आमचे वचन आहे. गोकुळचे दूध हे केवळ दर्जेदारच नाही तर नैसर्गिक पोषणमूल्यांनी भरलेलं आहे. आमचा प्रयत्न आहे की अधिकाधिक खेळाडूंना गोकुळ दूधाचा लाभ मिळावा. केंद्र सरकारकडून सहकार्याची ग्वाही मिळाल्याने अशा उपक्रमांना चालना मिळेल.