महाराष्ट्र न्यूज वन प्रतिनिधी, कोल्हापूर : महाराष्ट्र सरकारच्या उच्च व तंत्र शिक्षण विभाग कला संचालनालय, महाराष्ट्र राज्य ६५ व्या  महाराष्ट्र राज्य कला प्रदर्शन कलाकार विभाग २०२५-२६ मध्ये कोल्हापूरमधील चित्रकार विजय टिपुगडे,शुभम चेचर यांच्या  कलाकृतींची निवड झाली आहे. मंत्री चंद्रकांत पाटील, यांच्या हस्ते प्रदर्शनाचे उदघाटन झाले.  यावेळी उच्च व तंत्रशिक्षण विभागाचे अपर मुख्य सचिव बी. वेणुगोपाल रेड्डी, कला संचालनालयाचे संचालक डॉ. किशोर इंगळे, चित्रकार वासुदेव कामत यांची प्रमुख उपस्थिती होती. प्रदर्शनामध्ये रेखा व रंग कला विभागात कोल्हापूरचे चित्रकार टिपुगडे आणि चेचर यांच्या कलाकृती प्रदर्शित झाले आहेत. प्रदर्शन ११ मार्च ते १६ मार्च, २०२६ या कालावधीत जहांगीर आर्ट गॅलरी, महात्मा गांधी रोड, काळा घोडा, फोर्ट, मुंबई येथे सकाळी अकरा ते सायंकाळी सात वाजेपर्यंत सर्वांसाठी विनामुल्य खुले राहील.