महाराष्ट्र न्यूज वन प्रतिनिधी, कोल्हापूर  : कोल्हापूर मेडिकल असोसिएशन येथील सभागृहात  रूट ३२ मुक्तहास्य स्पर्धा २०२६ चे उद्घाटन झाले कोल्हापूरच्या नागरिकांमधे मौखिक आरोग्याबद्दल जागृती करण्याच्या उद्देशाने इंडियन डेन्टल असोसिएशन ( आयडीए) कोल्हापूरच्यावतीने या स्पर्धेचे आयोजन केले आहे. १ मे २०२६ ते १ ऑक्टोबर २०२६ या ५ महिन्यांपैकी किमान ३ महिने आयडीए सभासदाच्या दवाखान्यात जाऊन सल्ला व उपचार करून घेऊन अंतिम फेरीसाठी पात्र व्हायचे आहे. अंतिम फेरीतील विजेत्यामधे लाख रुपयांची बक्षीसे वितरित केली जातील. ही स्पर्धा रूट ३२ या मौखिक आरोग्य उत्पादक कंपनीने प्रायोजित केली आहे . या स्पर्धेचे उद्घाटन करताना केएमए अध्यक्ष म्हणाले,‘ नागरीक आणि डॉक्टर यांचे नाते अधिक दृढ करणारी ही स्पर्धा आहे. आयडीएला आणखी समाजोपयोगी उपक्रम करायचे असतील तर केएमए सदैव पाठीशी राहील.’ राज्य आयडीए सचिव डॉ विकास पाटील यांनी,”शहरातील नागरिकांनी  या योजनेचा फायदा घ्यावा” असे आवाहन केले. आयडीए कोल्हापूरचे अध्यक्ष डॉ किशोर चौगुले यांनी स्वागत केले, आयडीए कोल्हापूरचे सचिव डॉ देवेंद्र खुडे यांनी उपस्थितांचे आभार मानले. डॉ आशुतोष देशपांडे यांनी मुक्तहास्य स्पर्धेविषयी माहिती दिली. डॉ अव्दैत आफळे, डॉ अजिंक्य पाटील, डॉ सुयोग कुलकर्णी, डॉ अमित शहा, डॉ दिग्विजय पाटील, डॉ अजय कदम, डॉ शैलेश जोशी उपस्थित होते.

…………………………