महाराष्ट्र न्यूज वन प्रतिनिधी, कोल्हापूर  : ‘ताजी फळे, पालेभाज्या, संतुलित आहार, नियमित व्यायाम, नियमित शारीरिक तपासण्या या गोष्टींकडे लक्ष दिल्यास आरोग्य चांगले राहते . प्रत्येकाने आपल्या बॉडी मास इंडेक्सकडे लक्ष दिले पाहिजे . आपला बॉडी मास इंडेक्स १८.५ ते २४.९ च्या दरम्यान असावा. शारीरिक आणि मानसिक आरोग्य हाच सुखी जीवनाचा पाया आहे’  असे मत कौन्सिल ऑफ एज्युकेशनचे सचिव व प्रख्यात मूत्ररोगतज्ज्ञ डॉ .विश्वनाथ मगदूम यांनी व्यक्त केले .

कौन्सिल ऑफ एज्युकेशन, पार्वतीदेवी कुंभार कॉलेज ऑफ नर्सिंग, देशभक्त रत्नाप्पा कुंभार कॉलेज ऑफ कॉमर्स आणि मगदूम इंडो सर्जरी इन्स्टिट्यूट यांच्या संयुक्त विद्यमाने आयोजित आंतरराष्ट्रीय किडनी दिवसाच्या कार्यक्रमांमध्ये प्रमुख वक्ते म्हणून डॉ मगदूम यांनी ‘निरोगी किडनीसाठी योग्य जीवनशैली आणि काळजी’  या विषयावर अभ्यासपूर्ण व्याख्यान दिले.

किडनीचे मानवी शरीरातील महत्त्व व कार्य याविषयी जनजागृती होण्यासाठी आणि किडनीच्या आरोग्याविषयी सजगता निर्माण  होण्यासाठी १२ मार्च हा दिवस आंतरराष्ट्रीय किडनी दिवस म्हणून साजरा केला जाते.‘सर्वांसाठी मूत्रपिंडाचे आरोग्य व पर्यावरण संरक्षण ‘ हे सूत्र घेऊन यावर्षी जागतिक किडनी दिवस साजरा करण्यात आला .यानिमित्ताने पार्वती कुंभार कॉलेज ऑफ नर्सिंगच्या विद्यार्थ्यांनी जनजागृती फेरी काढली व किडनीच्या आरोग्याविषयी प्रबोधन केले. डीआरके कॉलेज ऑफ कॉमर्सच्या प्राचार्य डॉ  वर्षा मैंदर्गी, नाइट कॉलेजचे प्राचार्य डॉ उत्तम पाटील, नर्सिंग कॉलेजचे प्रा. भालचंद्र कुलकर्णी आदी उपस्थित होते. नर्सिंग कॉलेजचे प्राचार्य चिदानंद पाटील यांनी प्रास्ताविक केले