महाराष्ट्र न्यूज वन प्रतिनिधी : विधान परिषदेच्या पुणे शिक्षक मतदार संघामध्ये भारतीय जनता पक्षाचे उमेदवार कौस्तुभ मुरलीधर गावडे हे विजयी झाले. त्यांनी, शिवसेनने पाठिंबा दिलेले उमेदवार सचिन सानप यांच्यावर सहा हजारहून अधिक मतांनी विजय मिळवला. या निवडणुकीमध्ये विद्यमान आमदार जयंत आसगावकर हे चौथ्या स्थानावर राहिले. माजी आमदार दत्तात्रय सावंत यांना तिसऱ्या क्रमांकाची मते मिळाली.  पुणे शिक्षक मतदारसंघात भाजपाने बाजी मारली तर काँग्रेसला धक्का बसला.

२६ व्या फेरीत दुसऱ्या क्रमांकाच्या पसंतीच्या मतमोजणीत आसगावकर यांचा पराभव झाला. आसगावकर यांना ८ ९६५ इतकी मते मिळाली. २६ व्या फेरीत गावडे यांना १८३८५ मते, सानप यांना ११९८३ मते तर माजी आमदार दत्तात्रय सावंत यांना १०,८९१ इतकी मते मिळाले ते तिसऱ्या क्रमांकावर राहिले.  २७ व्या बाद फेरी अखेर  कौस्तुभ गावडे यांना २०,११८ मते, सचिन सानप (अपक्ष)- १३,६४२ तर  दत्तात्रय सावंत (अपक्ष)- १२,६८७ मते मिळाली. २८ व्या बाद फेरी अखेर  कौस्तुभ गावडे (भाजपा)- २३,११७,  सचिन सानप (अपक्ष)- १६,३४७ मते मिळाली.   दरम्यान मतमोजणीच्या आकडेवारीवर नजर टाकली असता भाजपचे कौस्तुभ गावडे व शिवसेनेन पाठिंबा दिलेले सानप यांच्यामध्ये पहिल्या फेरीपासून लढत झाली. पुणे पदवीधर मतदारसंघात वैध मते दोन लाख २६ हजार २२४ इतकी आहेत. निवडणूक जिंकण्यासाठी आवश्यक मतांचा कोटा एक लाख १३ हजार ११३ इतकी निश्चित केली होती.

30 उमेदवार रिंगणात होते. शिक्षक मतदार संघामध्ये यंदा निवडणूक चुरशीची झाली. या निवडणुकीत महायुतीकडून भाजपतर्फे विवेकानंद शिक्षण संस्थेचे मुख्य कार्यकारी अधिकारी कौस्तुभ मुरलीधर गावडे यांची उमेदवारी जाहीर करण्यात आली होती. दरम्यान शिवसेनेने पहिल्यांदा मंगेश चिवटे यांची उमेदवारी जाहीर केली. नंतर त्यांनी उमेदवारी माघार घेतली. तर अपक्ष म्हणून उमेदवारी अर्ज दाखल केलेल्या सचिन सानप यांना शिवसेनेने पाठिंबा दिला. या निवडणुकीत राष्ट्रीय समाज पक्षाकडून निवडणूक लढवलेले माजी आमदार दत्तात्रय सावंत यांनीही हवा निर्माण केली होती. मात्र प्रत्यक्ष मतमोजणीत सावंत ते तिसऱ्या स्थानावर राहिले. महाविकास आघाडीतर्फे काँग्रेसकडून विद्यमान आमदार प्रा. जयंत आसगावकर हे रिंगणात होते. आमदार आसगावकर यांनी गेल्या सहा वर्षात केलेल्या कामाच्या बळावर शिक्षक मतदारांना सामोरे गेले. मात्र या निवडणुकीत मतदारांनी  त्यांच्या उमेदवारीवर नापसंती दर्शविल्याचे मतमोजणीतून स्पष्ट झाले.

शिक्षक मतदारसंघांमध्ये यंदा  विनाअनुदानित शाळा कृती समितीचे खंडेराव जगदाळे,  पंढरपूरचे बी पी रोंगे, डायटचे माजी प्राचार्य आय सी शेख हे प्रभाव पाडू शकले नाहीत. यंदा शिक्षक मतदारसंघाच्या निवडणुकीत आरोप प्रत्यारोपाच्या फैरी रंगल्या. काही उमेदवारांच्याकडून लक्ष्मीदर्शन घडवले असा आरोप झाला. राजकीय पक्षांचा सहभाग, उमेदवारांचे जिल्हानिहाय संपर्क मेळावे यामुळे ही निवडणूक चुरशीची बनली होती. मंगळवारी, २७ ऑक्टोबर २०२६ रोजी पुणे येथील बालेवाडी क्रीडा संकुल येथे मतमोजणी प्रक्रियेला सुरुवात झाली होती. या निवडणुकीत पहिल्या फेरीपासूनच भाजपचे गावडे हे आघाडीवर होते. 25 व्या फेरीपर्यंत ही आघाडी कायम टिकवली. 25 व्या फेरी अखेर गावडे यांना सतरा हजार 948 इतकी मते तर सचिन सानप यांना 11 तर 658 मते मिळाली. दत्तात्रय सावंत यांना दहा हजार 574 तर आसगावकर यांना 8620 मध्ये आहेत.