महाराष्ट्र न्यूज वन प्रतिनिधी :- श्री स्वामी विवेकानंद शिक्षण संस्थेचे संस्थापक शिक्षणमहर्षी डॉ. बापूजी साळुंखे यांच्या ३९ व्या स्मृतिदिनानिमित्त स्मृतीज्योत काढण्यात आली. शिक्षणमहर्षी डॉ. बापूजी साळुंखे स्केटिंग प्रशिक्षण केंद्रातर्फे गेली ३९ वर्षे या कार्यक्रमाचे आयोजन करण्यात येते. जुना बुधवार पेठेतील बापूजींच्या निवासस्थानातून बापूजींच्या स्नुषा श्रीमती इंदिरादेवी साळुंखे  आणि श्रीमती शांताबाई अभिमन्यू कदम यांच्या हस्ते करण्यात आले. त्यानंतर डांगे गल्ली येथे कदम परिवाराच्या वतीने शारदा भोसले. प्रा. महेश्वरी कदम, सुप्रभा कदम यांच्या हस्ते ज्योतीचे पूजन व औक्षण करण्यात आले. शहरातील प्रमुख मार्गाने फिरून ही स्मृती ज्योत स्वामी विवेकानंद शिक्षण संस्थेच्या प्रांगणात आली. त्या ठिकाणी संस्थेचे कार्याध्यक्ष प्राचार्य अभयकुमार साळुंखे, संस्थेचे सीईओ कौस्तुभ गावडे यांनी स्मृती ज्योतिस अभिवादन केले. त्यानंतर ही ज्योत समाधी परिसरात नेण्यात आली. त्या ठिकाणी बापूजींच्या समाधीस बालचमूंनी अभिवादन केले. त्या ठिकाणी न्यू मॉडेल इंग्लिश स्कूल सीबीएससीचे  प्राचार्य असिफ कोतवाल, नम्रता नार्वेकर, प्रज्योत येजरे यांच्या हस्ते ज्योतीची सांगता करण्यात आली. ज्योतीचे संयोजन ॲड.धनश्री कदम, योगिता घोरपडे, अमित भारमल भास्कर कदम यांनी केले. स्केटिंग प्रशिक्षक डॉ. महेश कदम यांनी मार्गदशन केले.