महाराष्ट्र न्यूज वन प्रतिनिधी, कोल्हापूर  : येथील शतकोत्तर परंपरा लाभलेल्या दि न्यु एज्यूकेशन सोसायटीचा १०५ वा वर्धापन दिन सोहळा संस्थेच्या पेटाळा क्रीडांगणावर उत्साहात साजरा झाला. कार्यक्रमाच्या सुरुवातीला प्रमुख पाहुण्यांच्या हस्ते ध्व‌जारोहण करण्यात आले. संस्थेच्या सर्व शाळांच्या एनसीसी, आरएसपी, गर्ल गाईड व प्रत्येक शाळेच्या टूप तर्फे संचलनाद्वारे मानवंदना देण्यात आली.

कॉग्निझंट इंडिया प्रायव्हेट लिमिटेडचे उपाध्यक्ष मधुराज जाधव उद्योजिका सुस्मिता शिरीष सप्रे श्रीमती गिता रणजीत जाधव, दि न्यू एज्युकेशन सोसायटीचे नियामक मंडळाचे सल्लागार विनोदकुमार लोहिया यांच्या हस्ते दिपप्रज्वलन करुन कार्यक्रमाचे उद्घाटन झाले.दि न्यू एज्युकेशन सोसायटीचे अध्यक्ष पद्माकर सप्रे हे कार्यक्रमाच्या अध्यक्षस्थानी होते. संस्थेच्या विश्वस्त मंडळाचे अध्यक्ष अनिल लोहिया, नियामक मंडळाचे अध्यक्ष निर्मल लोहिया, उपाध्यक्ष नितीन वाडीकर सदस्य प्रशांत लोहिया, कुशल सामाणी, राजेश लोहिया, प्रदीप पोवार, आदित्य यादव, सुजाता लोहिया, हेमिनी चांदेलकर, श्रीमती अनेरी लोहिया, हेमलता जाधव, अजय सप्रे, रेणुका सप्रे व यांची प्रमुख उपस्थिती होती.

 प्रमुख पाहुणे  मधुराज जाधव यांनी बालपणीच्या व शालेय जीवनाच्या आठवणी विद्यार्थ्यांना सांगितल्या.  माझ्या यशाची खरी बीजे या संस्थेमध्ये रुजली. तसेच विद्यार्थ्यांनी आता नव्याने आलेल्या आर्टीफिशियल इंटीलिंजन्स (ए.आय.) चा वापर करुन बदलत्मा ज्ञानाची विद्यार्थ्यांनी माहिती घेवून प्रगती केली पाहिजे असे सांगितले. संस्थेच्या विविध शाळांतील प्रदिर्घ सेवेतून सेवानिवृत्त झालेल्या प्राचार्य, उपप्राचार्य, मुख्याध्यापक, शिक्षक व शिक्षकेत्तर अशा २२ कर्मचाऱ्यांचा, तसेच विविध क्षेत्रात उल्लेखनिय कार्य करणाऱ्या गुणवंत शिक्षकांचा सत्कार करण्यात आला.  गुणवंत विद्यार्थी, खेळाडूंना सन्मानित केले. सहसचिव प्राचार्य एस. एस. चव्हाण यांनी अहवाल वाचन केले. सचिव प्राचार्य प्रभाकर हेरवाडे यांनी आभार मानले. एनसीसी ऑफीसर रुपाली पाटील यांनी माहिती दिली. शिक्षक सागर बगाडे,  वर्षा देशपांडे, महेश सुर्यवंशी व दिपक कुंभार यांनी सूत्रसंचालन केले. कार्यक्रमाची सांगता वंदे मातरम या गीताने झाली.