महाराष्ट्र न्यूज वन प्रतिनिधी,  -: करवीर तालुक्यातील कळंबा येथील विद्या मंदिर शाळेत पृथ्वीराज धनंजय महाडिक यांच्या के. एम. फाउंडेशनच्या माध्यमातून इयत्ता पहिली ते सातवीच्या विद्यार्थ्यांसाठी कृत्रिम बुद्धिमत्ता व आधुनिक तंत्रज्ञानावर आधारित मोफत प्रात्यक्षिक कार्यशाळेचे आयोजन केले होते. या कार्यशाळेत विद्यार्थ्यांना एआय तंत्रज्ञानाची प्राथमिक माहिती, डिजिटल साधनांचा वापर, चित्रनिर्मिती, सादरीकरण तयार करणे, शैक्षणिक साहित्य निर्मिती तसेच प्रकल्पाधारित शिक्षण यांचे प्रत्यक्ष प्रात्यक्षिकांसह मार्गदर्शन करण्यात आले. तंत्रज्ञानाचा सुरक्षित व जबाबदारीने वापर करण्याचे महत्त्वही विद्यार्थ्यांना समजावून सांगण्यात आले. कळंब्याचे माजी लोकनियुक्त सरंपच सागर भोगम यांनी, ‘ग्रामीण भागातील विद्यार्थ्यांना भविष्यातील आधुनिक तंत्रज्ञानाची ओळख करून देणारा आणि त्यांच्या शैक्षणिक प्रगतीला नवी दिशा देणारा हा उपक्रम निश्चितच कौतुकास्पद आहे.’असे नमूद केले. यावेळी नामदेव साळोखे, श्रीकांत जाधव, मुख्याध्यापक मोरे, शाळा व्यवस्थापन समिती अध्यक्ष, शिक्षकांची उपस्थिती होती.