महाराष्ट्र न्यूज वन प्रतिनिधी, कोल्हापूर : शेतकरी आणि दूध उत्पादक हे त्यांच्या केंद्रस्थानी. विविध संस्थेत काम करताना या दोन्ही घटकांना न्याय मिळेल या पद्धतीने त्यांनी कामकाज केले. स्थानिक स्वराज्य संस्था असो की कारखानदारी, दूध संघात चेअरमनपदावर असो की संचालक…प्रत्येक ठिकाणी गोकुळचे ज्येष्ठ संचालक विश्वास पाटील तथा आबाजी यांनी सामान्य माणूस डोळयासमोर ठेवून काम केले…आपसूकच लोकांचा त्यांच्यावरील विश्वास वृद्धिगंत झाला. सध्या जिल्हा परिषद निवडणुकीच्या प्रचारार्थ ते गावोगावी दौरे करत आहेत. प्रत्येक गावात त्यांच्याभोवती नागरिकांचा गराडा पडत आहे. त्यांच्या नेतृत्वावर विश्वास व्यक्त करत पाडळी खुर्द जिल्हा परिषद मतदारसंघातील शिवसेनेचे उमेदवार सचिन पाटील यांना विजयी करण्याची खात्री देत आहेत. त्यांचाा प्रचाराचा झंझावात कार्यकर्त्यांचा उत्साह द्विगुणित करत आहेत. तर प्रचार फेरीदरम्यान मतदार त्यांच्या नेतृत्वावर विश्वास व्यकत करत आहेत.

गोकुळचे माजी चेअरमन विश्वास पाटील यांचे चिरंजीव सचिन पाटील यंदा जिल्हा परिषदेची निवडणूक लढवित आहेत. शिवसेनेच्या धनुष्यबाण चिन्हावर ते लढत आहेत. शिरोली दुमालाचे लोकनियुक्त सरपंच म्हणून सचिन पाटील यांनी नेतृत्वगुण सिद्ध केले आहे. तरुण चेहरा म्हणून त्यांना मतदारांनी पसंती दिली आहे. पाडळी खुर्द मतदारसंघात त्यांच्या उमेदवारीचे स्वागत होत आहे. हा मतदारसंघ विस्ताराने मोठा. यंदा नव्याने हा गट तयार झाला आहे. साखर कारखाना क्षेत्र, गावपातळीवरील सहकारी संस्था, प्राथमिक दूध संस्थेचे जाळे. पाडळी खुर्द, शिरोली दुमाला, वाशी, वाडीपीर, शेळकेवाडी, नंदवाळ, कोगे, महे, बीड, आरे, धनगरवाडी, सावरवाडी, हिरवडे दुमाला आदी गावे या मतदारसंघात समाविष्ठ आहेत.

या परिसरात गोकुळचे माजी चेअरमन विश्वास पाटील यांना मानणारा मोठा वर्ग आहे. ते सर्व घटकांतील आहे. विविध संस्थांच्या माध्यमातून काम करताना विश्वास पाटील यांनी वडिलधारी माणूस म्हणून जबाबदारी निभावली आहे. कोणताही प्रसंग असो, ते आधारवड म्हणून लोकांच्या पाठीशी राहतात. त्यांनी, वयाची पंच्याहत्तरी ओलांडली आहे. मात्र प्रचारातील त्यांचा उत्साह तरुण कार्यकर्त्यांना लाजविणारा आहे. दिवसभर मतदारसंघातील विविध गावांना ते भेटी देत असतात. लोकांशी संपर्क साधत आहेत. सचिन पाटील यांना विजयी करा असे आवाहन करताना विकासाची भूमिका मांडत आहेत. त्यांचा संपर्क दौरा मतांची बेरीज करणारा ठरत आहे.