महाराष्ट्र न्यूज वन प्रतिनिधी, कोल्हापूर : केंद्रीय लोकसेवा आयोगाच्या परीक्षेत उत्तीर्ण झालेल्या जिल्ह्यातील विद्यार्थ्यांचा कोल्हापूर जिल्हा सहकारी दूध उत्पादक संघातर्फे सत्कार करण्यात आला. यामध्ये गडहिंग्लज तालुक्यातील जांभूळवाडी येथील  दिलीपकुमार कृष्णा देसाई, करवीर तालुक्यातील बालिंगा येथील हेमराज हिंदुराव पनोरेकर यांचा सत्कार झाला. गोकुळचे चेअरमन अरुण डोंगळे यांच्या हस्ते संबंधितांचा सत्कार झाला.

‘अतिशय प्रतिकूल परिस्थितीमध्ये अपार कष्ट व जिद्दीच्या जोरावर यूपीएससी परीक्षेत कोल्हापूर जिल्ह्यातील विद्यार्थांनी यश संपादन केल्यामुळे कोल्हापूरचे नाव देश पातळीवर उज्वल झाले आहे, याचा निश्चितच गोकुळला अभिमान आहे.’ अशा शब्दांत चेअरमन डोंगळे यांनी कौतुक केले.

 संजय घोडावत विद्यापीठातून प्रतिक्षा रणजीत लंबे ( शिरोली दुमाला) या विद्यार्थिनीने मास्टर ऑफ सायन्स या विभागातून मेडिसिनल केमिस्ट्री या विषयात गोल्ड मेडल मिळवल्याबद्दल तसेच महाराष्ट्र केसरी कुस्ती स्पर्धेत कुलदीप बापुसो पाटील (बेले/राशिवडे खु.) यांनी अहिल्यानगर कर्जत जामखेड येथे झालेल्या ७० किलो वजनी गटात सुवर्ण पदक मिळवलेबद्दल त्यांचाही सत्कार झाला. दिलीपकुमार देसाई म्हणाला “ महाराष्ट्र राज्यातील अग्रगण्य आणि माझ्या कोल्हापूर भूमीतील गोकुळ दूध संघात होणारा माझा सत्कार हा माझ्यासाठी अभिमानास्पद व ग्रामीण भागातील तरुणासाठी प्रेरणादायी आहे.”  यावेळी ‘सौ.प्रतिभाताई पवार महिला दूध संस्था पोर्ले तर्फ ठाणे या संस्थे’ने संघास म्हैस व गाय जास्तीत जास्त दूध पुरवठा महिला संस्था द्वितीय क्रमांक मिळवल्याबद्दल  सत्कार करण्यात आला.

कार्यक्रमाला ज्येष्‍ठ संचालक विश्वास पाटील, संचालक बाबासाहेब चौगले, अजित नरके, शशिकांत पाटील –चुयेकर, किसन चौगले, नंदकुमार ढेंगे, कर्णसिंह गायकवाड, संभाजी पाटील, प्रकाश पाटील, सुजित मिणचेकर, बयाजी शेळके, बाळासो खाडे, युवराज पाटील, मुरलीधर जाधव, संचालिका श्रीमती अंजना रेडेकर, कार्यकारी संचालक डॉ.योगेश गोडबोले उपस्थित होते.